流傳百年手工藝:中式甜品
- 蘇東坡
- Jan 19, 2017
- 3 min read
何謂「美食」？相信大家都唔會反對流傳千年嘅呢條不變定律：色香味營養俱全。係西式甜品面前，中式傳統點心就顯得遜色，仲有時會覺得係老土野。心靈手巧嘅女仔個個都走曬去學整Macaron，各種西點烘焙課程早就人滿為患，你話搵個識整中式甜品（而且要靚、靚同靚）嘅人幾難！中式甜點到底有咩魅力？就係套歷史同風土人情。不妨同去品一品那些需要傳承的經典老派甜點。
杏仁豆腐係傳統漢族名點之一，屬於甜點。主要用甜杏仁磨漿後加水煮滾，待冷凍凝結之後切塊而成，因為形狀似豆腐而得名。秋季天乾物燥容易上火，所以正確地食用杏仁，能夠達到生津止渴，潤肺定喘，滑腸通便，減少腸道癌嘅功效，但切記！過量服食杏仁（無論苦或甜）會引起中毒，一定要先係水中浸多幾次，再加熱煮滾先好食。
杭州著名的漢族小食。酥層清晰，口感酥鬆香甜，別有風味。「出淤泥而不染」就係對荷花高雅潔麗品質嘅讚譽，用油酥面製成的荷花酥，形似荷花，觀之形美動人。唔好睇小呢份點心，荷花酥仲有食療作用架！適宜體質虛弱，心慌，脾氣虛，慢性腹瀉嘅人食。
要講桂花糕，已經有成三百幾年歷史了，叫佢做老派傳統點心都唔出奇。桂花糕以糯米粉、糖和蜜桂花為原料製作而成，清甜爽口、桂香濃郁。相傳桂湖的桂花，就係狀元楊升庵由月宮裡採摘落黎嘅。到左明朝末年，有個小販從狀元楊升庵桂花飄香嘅書齋中得到啟示，將鮮桂花收集起黎，裝盒成型出售，取名為桂花糕。秋天係食桂嘅好季節，滿地鋪桂，一壺濁酒，一盤點心，月下訪香，意境絕不會比外國嘅Cafe差。
「荽」係香口嘅意思，係民間稱謂中，芫荽即係香菜。芫荽餅係廣東中山一帶傳統嘅點心。好少人可以唸到芫荽仲可以做糕點，芫荽曬乾磨成粉，同糯米粉一齊用木質模具壓成芫荽餅，呢個極具味覺創意嘅糕點其實並唔係新創。根據養生嘅說法，芫荽餅能利五臟、補筋脈、調食下氣等功效。
被稱為中式嘅Tiramisu，紫薯同山藥嘅結合，俾人耳目一新嘅感覺。又到年尾，聚會唔少得，大魚大肉令腸道亂曬大籠，不妨買啲山藥同紫薯去清清腸胃，老方法煲粥喝覺得悶，就試試紫薯山藥糕，外表精緻美觀，對身體又有幫助。
杭州最傳統嘅點心，具有春季養生調理，術後調理嘅功效，糕點食起黎比較鬆軟。傳說係南宋時百姓為韓家軍出征鼓舞將士而特製嘅，糕上有「定勝」兩字，所以就被稱「定勝糕」。桂花定勝糕係製作時要選擇上好嘅江南糯米，有梅花、蟲魚等形狀，緋紅色，輕輕咬落去，糯軟中夾雜著細而均勻嘅顆粒，米香滲出豆香同桂花香，甜而不膩，滿滿嘅秋天氣息。
雲南特色甜品，甜蜜中不乏清香。老玫瑰糖係雲南大理地區一種傳統食品，係呢度居住嘅白族人係每年嘅4-5月份都會採摘自己房前屋後嘅食用玫瑰花瓣，再製作成玫瑰糖。佢用新鮮玫瑰通過雲南傳統手法腌制，年頭越陳越香，就係呢道甜品嘅靈魂所在。
這可是老南京人心中最有情結的一樣甜品。在舊時的老南京城中，常見小販挑擔走街穿巷叫賣於街頭巷尾，每聽到叫賣聲，小孩們便會拿個碗或小鋁鍋跑去買。往日只能在秋日享受，現在因芋苗可以冷凍，所以一年四季都可享受到這香甜可口，酥爛軟糯的桂花糖芋苗了。如果你想在家自製糖芋苗，煮的時候要放一點口鹼，這樣芋苗煮才會煮出紅彤彤、誘人的顏色。
تعليقات