Homita愛自己 小資女 不花錢保養法
- Y小編
- Jan 24, 2017
- 2 min read
正所謂愛美之心人人有，但錢到用時方恨少。唔知你地有冇甘既煩惱呢?小編就有，身為小資女之中既最低層，真係長期糧尾啊！皮膚要Keep住狀態，不過無錢點算？唯有改善下自己既習慣啦，只要做到呢幾點，就算洗少D budget係保養品上面，都一樣做到保養效果架!
Photo Via watchfit.com
第一步就係飲水，正所謂女人係水做既，女人既細胞亦都係水做既，多飲水對身體、皮膚都有莫大益處。如果水份攝入不足，除左皮膚會乾燥，仲好易生皺紋添！除此之外，足夠既水分仲可以幫助排除毒素；減少粉刺；有助於細胞再生。一日八杯水其實唔難，小編就長期擺個杯係電腦執邊，打字打到攰去倒杯水當休息下對眼，工作效率都提高埋啊！
Photo Vis bbcgoodfood.com
留意返，健康飲食唔係叫你節食，節食皮膚反而會變差架，而且節食過後好易暴肥！小編就係受害者者……講返正題，咩係健康飲食呢？除左一日食足三餐、跟食物金字塔食之外，仲要留意返食物既選擇；儘量避免攝入太多環境荷爾蒙、激素、脂肪、糖分或者加工食品。甘應該食咩呢?可以選擇食多少少含豐富維他命既蔬果、魚、雞蛋同全穀物，呢D食物可以提升身體既抗氧化機制，長期既健康飲食會令你既肌膚更加晶瑩剔透，由內而外甘發光！
Photo via Nike
定期做運動去令自己出下汗唔止可以瘦身，仲可以令你有春風滿面既好氣色； 當你出汗既時候，毛孔會打開，入面既污漕野會隨住汗水排出，另外仲可以幫助身體做大掃除，掃走入面既一啲毒素，還俾你一個乾淨既身體同皮膚！Y小編提提你，出完汗記住好好地洗個面同補足水分，會事半功倍架！
疲倦既皮膚會鬆弛下垂，呢個時候可以做D Face Yoga或者按摩，每晚洗面後都幫塊面"做運動"，喚醒一層層既皮膚，除左抗衰老仲可以收細眼袋！小編搵左幾張Face Yoga既圖俾大家，可以跟住做。雖然冇打BOTOX甘一針見效，但效果唔會輸蝕架！
Photo via 生活文摘
洗面應該用比室溫暖少少既水，唔太熱又唔太凍係最舒服，不過可以定期用稍熱既水去潑洗面部，帶走多餘油脂，如果想進一步收細毛孔，洗完面可以用比較涼既水拍面，達致收歛效果。香港天氣唔算乾淨，唔想做花面貓，就要勤力早晚洗面啦！Y小編提提你:長期用過熱/過凍既水洗面，會令到皮膚乾燥，容易敏感，所以唔好貪一時爽快啊，好長手尾架！
以上幾點要好好養成習慣，就算有一日脫貧，呢D生活習慣都可以將產品效用最大化，仲非常健康添！
Yorumlar