去得呢D地方，記得順便睇埋靚日出！
- 流浪者
- Jan 20, 2017
- 2 min read
被旅遊權威「寂寞星球」評為世上最正黎明時刻，到底有幾靚？有時候唔係只靠個太陽決定曬嘅，人、環境、天氣等等因素都影響好大架嘛！無論係沙灘睇，係山頂睇，還是屋企睇，都係開心嘅體驗黎。只要係同至親嘅人一齊、攤係舒服長椅、嘆住杯咖啡、慢慢欣賞美景，就係屬於你嘅最正黎明啦！賴少日床，換來獨一無二經驗，幾辛苦起身都抵啦。
作為澳洲最具代表性的景點之一，僅次於悉尼歌劇院。被譽為澳洲最美自然景觀 — Uluru，位於澳洲中部，一塊大石頭霸氣地坐落一大片沙漠中間。唔講唔知，呢舊霸氣石頭比埃及金字塔高出一倍、比巴黎艾菲爾鐵塔仲要高出24米！面積仲大過長洲好多添，咁壯觀嘅非人造景觀邊度搵？可以保證嘅係，你每次見到嘅景色都係唔一樣，天色一日間都可以千變萬化。
黎到印尼巴里島，如果你自認運動健將Fit到爆，可以挑戰另一個山頭Mount Agung，如果唔係就乖乖地爬呢座係佢附近的火山啦～上山時間大概1-2小時，途中仲可以見到好多野生馬騮添！但係其實呢個係活火山，上一次爆發只係2000年，仲可以見到火山灰好似雪咁。
呢個湖有咩咁特別？就係佢平靜嘅水面、獨特建築同埋有特別捕魚方法的漁民喇，佢地係用單腳划船，而且係用竹子編成的罩魚籠。獨腳漁夫們係日出之時就會出湖工作，欣賞日出同時可以睇埋表演～簡直係緬甸版水上人。可以選擇係船上或酒店房間/露台欣賞日出，咁就唔怕晨早出門口啦！
美國布萊斯峽谷（Bryce Canyon National Park）係位於高山嘅國家公園，最代表性的景觀梗係擁有石林景色嘅露天劇場啦！由一支支岩柱組成，十分壯觀。又有交通直達，行幾步就到，輕輕鬆鬆睇靚景～
資料來源：Uluru Ayers Rock, 巴杜爾火山的日出 , 美國猶他州
Comentarios