2017雞年流行色 X 本命色穿搭
- Ivy Suen
- Jan 16, 2017
- 2 min read
雞年又到啦，大家買左新衫未呢? 小編今次就以生肖五行整理左幾隻顏色俾大家參考，睇下你地既本命色係咩啦!
申猴，酉雞(五行屬金)
幸運色:金色，白色
猴年同雞年出世既你，今年可以選擇返白色同帶金屬感既衣著。白色可算係萬年不敗既顏色，無論各種造型都可以輕鬆駕馭。如果想再突出少少，可以試下帶金屬感既質地，2017 metallic touch 仍然係大熱，岩曬五行屬金既朋友。
寅虎，卯兔(五行屬木)
幸運色:綠色
相信大家都已經知道2017年既PANTONE色係草木綠，而呢隻色就岩曬屬虎同屬兔既大家啦! PANTONE COLOR表示草木綠係有「給處於紛擾社會與政治環境中的我們帶來希望，滿足我們對生機與活力的持久嚮往」既意思，五行屬木既朋友不妨嘗試係搭配上加上綠色，時尚又幸運。
子鼠，亥豬(五行屬水)
幸運色:黑色，藍色
鼠年同豬年出世既你有福啦! PANTONE 2017春夏頭號顏色就係尼加拉藍，呢個近似牛仔又似瀑布的藍色，好岩牛仔打扮的女仔，宜且仲好易搭配，五行屬水既你地，仲唔快D拎返D牛仔衫褲出黎?
巳蛇，午馬(五行屬火)
幸運色:紅色
PANTONE2017年春夏既顏色入面，最適合蛇年同馬年穿搭既顏色莫過於火焰紅，呢個橙底既紅色代表群體、熱情、愛同華麗，就甘睇都覺得活力同魅力爆登!如果你係五行屬火既一員，一定一可以錯過呢股紅色熱潮啦!
丑牛，辰龍，未羊，戌狗(五行屬土)
幸運色:黃色，啡色
生肖屬牛、龍、羊、狗既朋友，今年不妨大膽地著上黃色啦!係2017春夏PANTONE色入面，櫻草黃係一個唔錯既選擇。櫻草黃代表熱情和活力、歡呼和陽光燦爛的日子，如果唔想著到一身黃色，都可以選擇櫻草黃既單品作搭配，會令人眼前一亮!
Comments